10 ektaryas nga kagulangan gilamoy sa kalayo
TANGUB CITY, Misamis Occidental, April 24 (PIA) – Mosubra sa 10 ektaryas nga kakahoyan ang gilamoy sa kalayo kagabii sa bukirang bahin sa brgy Salimpuno sa dakbayan sa Tangub.
Mismong si Misamis Occidental Governor Philip Tan ang misuhid sa kahimtang sa maong barangay ug gimandoan ang taga Bureau of Fire and Protection BFP ning suidad nga subayon gayud ang maong luna arun mapangitaan ug pamaagi nga di na mokuyanap pa ang maong kalayo sanglit dili naman kini kayang sudlon sa fire truck.
Gipahayag ni FINSP. Emmanuel Ragpala City Fire Marshall nga uban nila ang taga City Disaster Team ug mga lumilihok sa brgy sulod sa mosubra usa ka oras ilang gibaklay ug natultulan ang maong luna nga na sunog ila na lamang kining gipas pasan.
Nasayran nga nagsugod ang maong sunog alas 6 sa gabii ug gideklarang fire out slas 11:45 sa gabii.
Gisayangan usab nga nagtan aw sa maong sunog si ENRO Dods Tigol sanglit ang maong luna nahilakip kini sa reforestration area nga ilang giatiman diin gisugdan kini sa pagtanom ug kahoy niadtong Mayor pa si Governor Philip Tan.
Tungod niini mohimo ug inbestigasyon ang buhatan sa DENR kun si kinsa ang responsable sa maong sunog.
Nagtoo ang taga BFP nga adunay daob nga nabiyaan sa maong area nga maoy sinugdanan sa dakung kalayo. (BETHSER DABLO/ TANGUB CITY)
source https://pia.gov.ph/news/articles/1039996