Aklanon News: Aklan nagapabilin nga owa na it positibong kaso it COVID 19.
KALIBO, Aklan, Abril 28 (PIA) – – – Ro probinsya it Akean hay padayon nga eowas sa maka-maeatay nga COVID-19.
“Ro manami nga balita hay, halin pa ko Abril 5 it daya nga dag-on, owa eon it kumpirmadong kaso it COVID-19” suno kay Dr. Cornelio Cuachon it atong Provincial Health Office sa Akean.
“Pagkatapos ku tatlong gin-uman nga testing, gin deklarar it Department of Health 6 nga ro lima sa an-um nga Persons Under Investigation sa probinsya hay eowas eon o kun libre eon sa COVID 19,” dugang pa ni Cuachon.
Ro 68 anyos nga baye halin sa Barangay Andagao, ro 40 anyos nga eaki halins a Barangay Estancia, ro sang ka German national halinsa San Jose, Romblon, ro 37 anyos nga Doktor sa munisipyo it Malay ag ro sangka 86 anyos halin sa Munisipyo it Libacao nga na-confine sa Dr. Rafael S. Tumbokon Memorial Hospital.
Samtang ro ika-an-um nga 68 anyos nga eaki halin sa Barangay Andagao hay nagapabilin nga naka quarantine sa pa gihapon sa Aklan Training Center ag naga hueat lang kure sulta kuanang ikatatlo nga resulta it test halin sa DOH 6 ag nagasalig nga makauli eon imaw ag mangin kaibahan nana ro anang ginakahidlawan nga mahae nga pamilya. (JERR/PIA 6 Aklan)
source https://pia.gov.ph/news/articles/1040288