I Am Athan

Kakampink

Blogger

Social Media Influencer

Nurse

I Am Athan

Kakampink

Blogger

Social Media Influencer

Nurse

Blog Post

Cebuano News: BARMM nag dugang ug ‘medical supply’ alang sa mga health worker

March 29, 2020 Uncategorized

MARAWI CITY, Marso 29 (PIA) — Niabot kaniadtong Marso 24 sa Bangsamoro Government Center sa Cotabato City ang pasi-unang medikal suplay ug mga medisina aron mas mapalambo ang serbisyo sa mga health worker pinaagi sa paghatag sa mga kinahanglanon sa Bangsamoro Autonomous Region in Muslim Mindanao (BARMM).  

Si Mohammad Asnin Pendatun, ang spokesperson sa BARMM Inter-Agency Task Force sa COVID-19 miingon nga ang pagpamalit ug medikal nga kagamitan Kabahin na daan sa komprehensibo’ng plano sa Gobyerno sa Bangsamoro aron mapugngan ang pagkuyanap sa Corona Virus Disease 2019 (COVID-19).

“Ang prayoridad nato karon mao ang mga fronliners, ilabi na ang mga nurses ug doktors, sa ilang mga panginahanglanon ug mahatag kini sa labing madaling panahon,” ingon ni Pendatun.

Ang Philippine Airforce C-130 cargo plane, ang nagdala sa mga kinarton nga suplay para sa Personal Protective Equipment (PPE) sama sa  surgical masks, 70% Isopropyl alcohol, disinfection solution, thermal scanners, assorted medicines (multivitamins, vitamin C, paracetamol), ug mga tulda or tent. 

“Naglisod mi sa pagpadala sa mga logistics tungod sa ‘lockdown’ ug ‘community quarantine’ nga gipatuman sa LGU. Busa nihangyo mi sa Arm Forces of the Philippines (AFP) pinaagi sa C-130 aron madali ang pag dala niini,” dugang niya. 

Si Pendatun miingon nga ang mga suplay ihatag pinaagi sa Provincial Emergency Operations Center (EOCs) para sa lima ka mga probinsya sa BARMM nga mao ang Basilan, Sulu, Tawi-Tawi, Lanao del Sur, ug Maguindanao. 

Dugang niya nga ang mga medisina sa COVID-19 para sa BARMM mo-abot na sa Bangsamoro Government Center karong semanaha. 

Samtang, ang BARMM Inter-Agency Task Force (IATF) sa COVID-19 naghimo na sa mga giya nga angayang buhaton panahon sa pag-apod-apod sa mga relief packs ug mga medikal nga kagamitan, diin gipahimutang na apil sa giya ang pagpatuman sa ‘social distancing’ atol sa pag-apod-apod. (Zenaida D. Jagudilla/ICIC)

source https://pia.gov.ph/news/articles/1037457

Facebook Comments Box
Related Posts

Discover more from I Am Athan

Subscribe now to keep reading and get access to the full archive.

Continue reading