Cebuano News: Camiguin gamando sa paggamit ug face mask
CAMIGUIN, Apr. 8 (PIA)—Sugod Abril 6, ang tanang tao diri sa probinsiya gikinahanglan na nga mugamit ug face mask sa tanang panahon nga mugawas sila sa ilang mga panimalay aron dili na mukuyanap ang coronavirus disease (COVID)-19.
Pinaagi sa Executive Order No. 16 ni Gob. Jurdin Jesus Romualdo, ang mga lumulupyo sa Camiguin kinahanglan nga musuot sa face mask labi na sa mga pampublikong merkado, groseriya, parmasya, ug uban pang mga establisemento nga kinahanglan aron makapalit sa nag-unang panginahanglanon ug serbisyo.
Mag-apply usab kini sa mga tao nga muadto sa mga restawran, kan-anan, karenderya ug snack bars alang sa mag-take-out ug pagkaon; opisina sa gobyerno ug pasilidad; ug ilang mga lugar nga gatrabahuan.
Ang tanang mga tao nga gitugtan nga mugawas sa ilang mga balay pwede lamang mugawas kung magsul-ob sila ug face mask.
Ang quarantine pass ug special quarantine pass dili mamahimong gamiton kung ang gahawid niini wala misuot ug face mask.
Ang among balaod mag-apply usab sa mga gitugtan nga musulod sa probinsya.
Aron masiguro nga musubay ang mga tao sa maong order, ang mga pangagamhanang lokal kada munisipyo gi-aghat nga magmugna ug mga ordinansa nga naglangkob sa mga silot sa mga nakalapas sa ilang hurisdiksyon nga dili mugamit ug face mask kung mugawas sa ilang mga balay. (RTP/PIA10)
source https://pia.gov.ph/news/articles/1038396