I Am Athan

Kakampink

Blogger

Social Media Influencer

Nurse

I Am Athan

Kakampink

Blogger

Social Media Influencer

Nurse

Blog Post

Cebuano news: CARE Ph nag-apod-apod ug mga food packs ug multivitamins sa Marawi IDPs

April 23, 2020 Uncategorized

MARAWI CITY, Abril 23 — Mikabat sa 2,170 ka mga pamilya sa internally displaced persons (IDPs) nga nahimutang sa nagka lain-laing ‘transitory shelter’ sa Marawi ang nakadawat ug lima (5) ka kilo nga bugas, lima (5) ka pakete nga noodles, ug usa (1) ka ‘blister’ nga multivitamins gikan sa CARE Philippines tungod sa kalisod nga nasinati sa katawhan sukad mi-atake ang sakit nga coronavirus 2019 (COVID-19) nga epidemya.

Aron ma-monitor ang kondisyon sa ilang panglawas ug nutrisyon, ang CARE nagpahigayon ug regular nga check-up sa mga IDPs nga gipangulohan sa mga rehistradong midwife ug nurse.

“Karon nga umaabot na ang Ramadhan, nagkinahanglan gyod ang atong mga igsoon nga mga Muslim ug suporta aron mapatuman ang ilahang hugot nga pagtuo taliwala sa COVID-19 nga krisis,” matud pa ni Omel Guro, ang CARE monitoring and documentation officer. 

Malampuson ang pagpang-apod-apod sa food packs alang sa mga IDPs nga temporaryong nahimutang sa barangay Boganga, Mipaga, Catholic Relief Services Housing project, ug barangay Rorogagos phase 2, Sagonsongan 4, ug 6 nga area. Kini pinaagi sa tabang sa mga boluntaryo nga gikan sa Ad Fenim Charitable Foundation.

Nanghatag usab ang CARE ug 100 ka mga personal protective equipment (PPEs),100 ka mga face shield, 15 ka karton nga face mask, ug 50 ka mga PPE sa Amai Pakpak Medical Center.

Nanghatag pud sila ug laing 15 ka karton nga face mask para sa Marawi City Health Office ug Integrated Provincial Health Office. (Zenaida D. Jagdilla PIA/ICIC)

source https://pia.gov.ph/news/articles/1039777

Facebook Comments Box
Related Posts

Discover more from I Am Athan

Subscribe now to keep reading and get access to the full archive.

Continue reading