I Am Athan

Kakampink

Blogger

Social Media Influencer

Nurse

I Am Athan

Kakampink

Blogger

Social Media Influencer

Nurse

Blog Post

Cebuano News: Chief sa IPHO sa Lanao del Sur gihisgutan ang pagpalawig sa ECQ

April 14, 2020 Uncategorized

MARAWI CITY, Abril 13 (PIA)—Ang Integrated Provincial Health Office (IPHO) sa Lanao del Sur miingon nga ang pagpalawig sa Enhanced Community Quarantine (ECQ) mao ang pinakamaayo nga himuon aron mapugngan ang pagkaylap sa coronavirus disease 2019 (COVID-19).  

Si Gobernador Mamintal A. Adiong Jr. ug City Mayor Majul U. Gandamra nagmando nga ipalawig pa ang ECQ hangtud sa Abril 30, 2020 sa tibuok probinsya lakip na ang Marawi. Kini girekomendar sa Lanao del Sur Inter-Agency Task Force aron sa pagdumala sa COVID-19.

“Ang kaso sa COVID-19 dinhi sa probinsya ni-ubos, pero sa ubang bahin sa Pilipinas, nagpadayon sa pagsaka. Kini usa ka dako nga hulga sa atong probinsya. Kung naay makasulod nga dili mabantayan basin usa kini sa nagdala sa coronavirus,” matud ni IPHO chief Dr. Alinader Minalang.

Ang kapasidad sa healthcare nga sistema sa probinsya usa ka  dako nga konsiderasyon sumala pa ni Dr. Minalang.

“Kung modaghan ang kaso sa Persons Under Investigation (PUI) o positibo, sa pagkakaron, dili pa maatiman tanan tungod kay ang atong pasilidad kulang ug wala kitay kapasidad sa paghimo ug mass testing aron mahibaw-an kung kinsa ang positibo ug ang negatibo,” dugang pa niya.

Si IPHO chief Dr. Alinader Minalang nag-ingon nga ang Amai Pakpak Medical Center naay 18 ka mga kuwarto ug pito ang naay mga bentilador.

“Among gipangandaman ang mga pasilidad alang sa emergency community quarantine pero kulang pa kini sa mga kagamitan sama sa personal protective equipment (PPE), apil mga doctors, nurses ug mga  health professionals. Kinahanglan pa ang igong panahon aron mapangandaman kini pag-ayo,” dugang niya.

Gihangyo ni  Dr. Minalang ang mga  katawhan nga dili magkompyansa sa COVID-19  aron dili mabaliwala ang kahago nga gihimo sa kagamhanan ug sa ilang paningkamot aron makalikay sa pandemic nga virus.

Nagpahinumdom siya sa katawhan nga magpadayon sa pagpuyo sa balay, pag-obserba sa social distancing, pagpatuman sa personal hygiene alang sa maayong panglawas, ug magsunod sa mga gi-isyu nga mando o giya sa gobyerno. (ZDJagudilla/PIA-CICI)

 
 

source https://pia.gov.ph/news/articles/1038892

Facebook Comments Box
Related Posts

Discover more from I Am Athan

Subscribe now to keep reading and get access to the full archive.

Continue reading