Cebuano News: FDA: Wa’ pay rehistrado’ng tambal batok COVID-19, bantay sa mga peke

“Kasamtangan pa nga walay narehistro nga tambal o bakuna nga gilisensyahan alang sa tumbok nga pangontra sa COVID, sa pagtambal niini ug bisan sa pagpugong aron dili matakboayn niini,” segun pa sa FDA.

“Daghan nga nga gipakuyanap nga sayop ug tinumotumo nga kasayuran kabahin sa tambal o bakuna kunohay nga makaayo, apan wala pay siyetipiko nga prueba subay niini,” dugang sa ahensya nga natahasan pagsuta sa kaepektibo sa mga tambal ug pagkaon. 

Hinuon, miangkon ang FDA nga adunay nay mga nagpadayon nga clinical trials aron tuki-on ang giangkon sa mga giingon nga bag-ong tambal ug bakuna nga luwas ug ka epektibo niini.

Aduna nay mga kasamtangan nga mga tambal ug bakuna sama sa anti-viral, anti-bacterial, ug anti-malarial agents sa pagtambal sa mga pasyente nga natakbuyan sa COVID-19, segun pa sa FDA.

Kahinumduman nga ang World Health Organization (WHO) niini nga bag-o lamang, minglusad sa Solidarity Trial, usa ka halapad nga clinical trial nga gi-apilan sa daghang mga nasud, lakip na ang Pilipinas, aron matumbok kadtong mga pamaagi sa pagtambal sa COVID ngasubay sa siyensya, ebidensya nga maoy gi-angkon nga nakapamaayo sa pasyente sa COVID-19.

Gani, matud sa FDA, kadtong mga kompanya nga tighimo ug namaligya sa wala pa ma lisensyahi nga mga produkto sama sa Prodex B ug ang Fabunan Antiviral Injections ila na nga gipahibaw sa proseso ug mga rekisitos sa pagparehistro sa ilang produkto sa FDA Center for Drug Regulation and Research (FDA CDRR).

Wala pay applications alang sa product registration nga giduso ngadto sa nasampit nga buhatan, hangtud karong adlawa, Abril 9, segun pa sa FDA.

Hangtud nga ang mga nasampit nga mga produkto mapruwebahan nga luwas ug epektibo sa pagtambal sa COVID-19, dili kini katugotan sa kagamhanan nga ikapangresita ngadto sa publiko u gang mga tighimo, nga makapangankon nga kini makaayo gayud, dugang sa FDA.

Ang FDA padayon ga nag-amping sa ilang madatus nga magseguro nga ang mga produktong pagkaon ug tambal, luwas ug epektibo, kini aron kapanalipdan ang pangpubliko nga kahimsog samtang ang ahensya nanaad nga makig-alayon sa mga ahensya aron pagseguro sa labing paspas ug labing dali nga lihok lakang batok sa COVOD global health crisis. (rahc/PIA-7/Bohol)