I Am Athan

Kakampink

Blogger

Social Media Influencer

Nurse

I Am Athan

Kakampink

Blogger

Social Media Influencer

Nurse

Blog Post

Cebuano News: MAFAR-BARMM nag apod-apod ug liso sa utanon sa mga IDP taliwala sa hulga sa COVID-19

April 2, 2020 Uncategorized

MARAWI CITY, Abril 1 (PIA) — Ang Ministry of Agriculture, Fisheries, and Agrarian Reform sa Bangsamoro Autonomous Region in Muslim Mindanao (MAFAR-BARMM) nag-apod-apod ug daghang mga liso sa utanon ngadto sa internally displaced persons (IDPs) nga kasamtangan nag puyo sa Bakwit Village Phase 1, Matungao, Lanao del Norte ug sa Bakwit Village Phase 2 sa Saguiaran, Lanao del Sur.

Kini aron matabangan ang mga residente ug madasig ang mga IDP nga maghimo ug ‘survival gardens’ aron makuhaan nila alang sa ilang konsumo, samtang anaa sa Enhanced Community Quarantine (ECQ) ang ilang lugar tungod sa coronavirus disease 2019 (COVID-19). 

Ang liso sa mga utanon nag langkob sa kamatis, lettuce, talong, string beans, kalabasa, bitter gourd, pipino, okra, kangkong, ug uban pa.

“Gipangandaman lang namo kini basin ug mapalawig pa ang ECQ, gidasig namo sila nga mag tanom alang nasab sa umaabot nga Ramadhan,” matud pa ni Ammal Solaiman, ang Deputy Minister sa MAFAR-BARMM.

Ang pag-apod-apod sa mga liso sa utanon gidugangan sa paghatag sa mga ‘food packs’ nga naay sulod nga bugas, kape, noodles, de-lata, asukal, ug asin nga gihatag gikan sa opisina sa Bangsamoro Transition Authority Member sa Parliament nga si Musa Diamla.

Ang mga ‘food packs’ ug mga liso gi-deliver sa mga panimalay sa IDP sa tabang sa 12th Civil-Military Operations Battalion sa Philippine Army.

Ang grupo hingpit nga mituman sa “contact transmission protocols’ aron malikayan ang dili angay nga pagkaylap sa sakit nga COVID-19. (BGE/ PIA-ICIC)

source https://pia.gov.ph/news/articles/1037824

Facebook Comments Box
Related Posts

Discover more from I Am Athan

Subscribe now to keep reading and get access to the full archive.

Continue reading