I Am Athan

Kakampink

Blogger

Social Media Influencer

Nurse

I Am Athan

Kakampink

Blogger

Social Media Influencer

Nurse

Blog Post

Cebuano News: Mayor sa Marawi naghangyo sa mga residente nga magpundo sa tagsa-tagsa nila ka panimalay

March 14, 2021 Uncategorized

MARAWI CITY, Marso 31 (PIA) – Giawhag ni Mayor Majul Gandamra ang mga residente sa Marawi nga dili mag lakaw-lakaw ug gihangyo sila nga magpabilin sa balay aron mapugngan ang pagkaylap sa sakit nga coronavirus disease 2019 (COVID-19).

“Kinahanglan nga magpuyo kamo sa inyong panimalay. Kini temporaryo lamang aron mahunong ang paspas nga pagkaylap sa virus,” ingon ni Gandamra. Gibutyag niya nga ang kooperasyon ug disiplina dakung tabang aron mapahinay ang pagkaylap sa kagaw.

Gihangyo usab sa mayor ang mga katawhan sa syudad nga sundon ang mga palisiya ug lakang sa gobyerno ug dili mag-abuso sa paggamit sa ‘home quarantine pass’

“Ayaw himoa kini (home quarantine pass) nga usa ka oportunidad aron makasuroy-suroy kamo,” dugang niya.

Samtang, gisuspinde sa syudad ang pag-iskedyul sa pagpamalit sa mga ‘basic needs’ matag Lunes, Miyerkules, Biyernes, ug Domingo ingon usab ang pagsira sa mga tindahan matag Martes, Huwebes, ug Sabado. 

Usa lamang ka representante sa matag panimalay nga dunay usa ka ‘pass’ ang gitugutan sa pagpalit sa mga kinahanglanon gikan Lunes hangtud sa Domingo. Gidili usab ang pag ‘standby’ sa mga tindahan.

Gipasidan-an sa gobyerno ang tanan nga mga tag-iya sa tindahan nga mo-report sa mga awtoridad kung dunay mga residente nga dili motuman sa maong direktiba.

Naay tulo ka temporaryong ‘public market’ alang sa dali nga pag-monitor. Kini nahimutang sa Sagonsongan, Luksadatu, ug Patani.

Nakig-tagbo usab si Gandamra sa mga opisyal sa barangay ug mga miyembro sa Philippine National Police ug Armed Forces of the Philippines sa lungsod ug sila nakadesisyon nga ilang pahugtan ang mga lakang batok sa sakit nga coronavirus (COVID-19).

“Imbis nga limitahan ang (validity) nga adlaw sa home quarantine pass, gipalapdan namo ang oras sa curfew,” dugang niya.

Ubos niini, sa bag-ong balaod, wala’y tugotan nga mogawas sa ilang tagsa-tagsa ka mga panimalay sugod alas 4:00 sa hapon hangtud alas 6:00 sa buntag—gawas kung naay emergency.

Apil usab niini ang mga establisyemento pero hatagan ug usa ka oras ang tag-iya ug mga trabahante aron sa pagpanglimpyo sa ilang mga establisyemento ug maka uli sa ilang tagsa-tagsa ka mga panimalay.

Gimando usab ni Gandamra nga ang katuyo-an niini nga mga lakang dili ang pagpugong sa kagawasan sa mga residente. Tumong niini nga mapugngan ang pagkaylap sa Coronavirus diha sa komunidad. (BGE/PIA-ICIC)

source https://pia.gov.ph/news/articles/1037827

Facebook Comments Box
Related Posts
%d bloggers like this: