I Am Athan

Kakampink

Blogger

Social Media Influencer

Nurse

I Am Athan

Kakampink

Blogger

Social Media Influencer

Nurse

Blog Post

Cebuano news: Mga negosyante sa bugas gidasig sa Lanao del Norte LGU nga mo-suporta pakigbatok sa COVID-19

March 14, 2021 Uncategorized

ILIGAN CITY, Abril 6 (PIA) — Aron sigurado nga padayon ang suplay sa bugas sa lalawigan samtang padayon ang paningkamot sa gobyerno sa pakigbatok sa sakit nga coronavirus disease 2019 (COVID-19), ang kagamhanang probinsyal sa Lanao del Norte midasig ug mi-sangpit sa mga lokal nga negosyante sa bugas ug galingan aron motabang sila sa lalawigan diha sa mga patigayon sa suplay sa bugas ug aron batokan ang pagkaylap sa coronavirus.

Sa gipahigayon nga meeting kauban ang mga negosyante sa bugas ug tag-iya sa mga galingan sa Lanao del Norte niadtong Martes, Marso 31, gisugyot sa kagamhanang probinsyal ang pagpalit sa ilang mga bugas sa patas ug insakto nga presyo kung pananglitan kining sakit nga COVID-19 mas modugay pa.

“Dili nako ni mahimo kung ako ra usa, ang probinsya nanginahanglan sa inyong tabang. Maghangyo mi nga unta inyo kaming suportahan. Kinahanglan nga magtinabangay kita isip usa ka pamilya ug ingon mga residente sa Lanao del Norte,” ingon ni Provincial Governor Imelda ‘Angging’ Quibranza-Dimaporo.

Ang mga stock nga mapalit gikan sa mga negosyante magsilbi nga dugang para sa mga munisipyo nga dili na makahatag sa ilang mga ginsakopan.

Gihangyo pud ni Dimaporo ang mga negosyante sa bugas ug mga ‘miller’ nga hatagan ug prayoridad ang mga barangay nga nag-apod-apod ug bugas sa mga nanginahanglan labi na kadtong direktang naapektuhan ang ilang panginabuhi-an tungod sa pagpatuman sa mas gipalapad nga ‘enhanced community quarantine’.

Agi’g tubag sa mga negosyante sa bugas ug tag-iya sa galingan ngadto sa kagamhanang probinsyal, sila tanan nagkahi-usang mi-uyon nga ilang ibaligya ang regular ug lain-laing klase sa bugas sa tag P950 ang bag nga 25 kilos ang sulod.

Mitambong usab sa panagtigum ang Provincial Agriculturist nga si Letecia G. Ditucalan; IMT Incident Commander ug Provincial Information Officer nga si Lyndon G. Calica; si Provincial Legal Officer Lawyer Mark Christopher Babor; Senior Trade and Industry Development Specialist nga si John Clifford M. Fernan gikan sa Department of Trade and Industry – Lanao del Norte; ug Lenona Lennette M. Tanupis gikan sa National Food Authority. (BGEpan/PIA-ICIC)

source https://pia.gov.ph/news/articles/1038112

Facebook Comments Box
Related Posts

Discover more from I Am Athan

Subscribe now to keep reading and get access to the full archive.

Continue reading