I Am Athan

Kakampink

Blogger

Social Media Influencer

Nurse

I Am Athan

Kakampink

Blogger

Social Media Influencer

Nurse

Blog Post

Cebuano news: Militar nag apod-apod ug ‘improvised PPE’ sa mga ‘quarantine checkpoint frontliners’

March 14, 2021 Uncategorized

ILIGAN CITY, Abril 6 (PIA)—Ang 2nd Mechanized Infantry Brigade sa Philippine Army nag-apod-apod ug mga ‘handmade face mask’ ug mga ‘face shields’ sa mga checkpoint frontliners nga nagdumala sa Enhanced Community Quarantine (ECQ) sa Iligan City ug ‘national highway’ sa Lanao del Norte.

Gikan sa Iligan hangtud sa mga lungsod sa Linamon, Kauswagan, Bacolod, Kapatagan ug Sultan Naga Dimaporo, gitunol sa Brigade ang mga ‘improvised basic personal protective equipment (PPE)’ aron ipakita ang kamahinungdanon ug suporta sa mga frontliners nga gilangkuban sa mga health volunteers, pulis, mga miyembro sa Bureau of Fire Protection (BFP), Philippine Coast Guard, ug uban pang mga Civil Security Units nga klarong nahimutang sa katalagman sa makatakod nga sakit nga coronavirus disease 2019 (COVID-19).

Aron ma-protektahan ug mapanalipdan ang mga ‘uniformed personnel’, si Brigadier General Facundo Palafox IV sa 2nd Mechanized Infantry Brigade miingon nga ang Armored Brigade nag-organisar sa usa ka grupo sa mga lalaki ug babaye nga mga sundalo nga maoy nagtrabaho aron mahimo kining mga ‘improvised protective health equipment’.

Alang ma protektahan ug kinahanglan panalipdan ang mga uniporme nga mga personahe,

“Sa sinugdanan, naghimo mi ug face shields nga 600 kabuok ug kapin usa ka libong Triple-layered facemasks,” ingon ni Palafox.

Agi’g pagtuman sa gisugyot sa gobyerno nga ‘stay home, save lives’ (pagpuyo sa balay, pagluwas sa mga kinabuhi), ang mga face shields nag pahinumdom sa mga mo-labay sa checkpoints nga ang paagi aron mapugngan ang coronavirus mao ang pagpabilin sa pag puyo sa ilang mga panimalay.

Gi-awhag pud ni Palafox ang iyang mga kaubang sundalo sa Armored Division nga magpabilin nga luwas samtang nagserbisyo sa publiko.

“Kinsa ang magtabang ug panalipod sa atong publiko batok sa mga nataptan kung tanan kita naa nay sakit? Wala bisan kinsa. Busa, kinahanglan nga magpabilin kita nga luwas, maayo ug himsog, samtang panalipdan ang atong kaugalingon gikan sa dili makita nga kaaway,” dugang ni Palafox.

Dugang niini, ang Armed Forces of the Philippines (AFP) bag-ohay lang nag-isyu ug direktiba sa tanan nga mga sakop nila nga magsul-ob gyod pirmi ug ‘facemask’ bisan sa sulod o sa gawas sa mga kampo. (BGE/PIA-ICIC)

source https://pia.gov.ph/news/articles/1038110

Facebook Comments Box
Related Posts

Discover more from I Am Athan

Subscribe now to keep reading and get access to the full archive.

Continue reading