I Am Athan

Kakampink

Blogger

Social Media Influencer

Nurse

I Am Athan

Kakampink

Blogger

Social Media Influencer

Nurse

Blog Post

Cebuano News: Mingdawat sa SAP bisan og dili angay, akasohan -DSWD

April 23, 2020 Uncategorized

TAGBILARAN CITY, Bohol, April 22 (PIA) — Nalipay kay nakadawat sa Social Amelioration Program (SAP), bisan kon dili kwalipekado?

Ayaw una.

Kini  tungod kay ang Department of Social Welfare and Development (DSWD) mibahad ngadto sa mga tawo nga mingdawat sa hinabang nga cash sa kagamhanan para makakap-os sa kalisud, bisan pa kon dili diay sila angay, apan namugos aron makadawat.

“Mahimo kamo nga kasuhan,” segun pa sa taho nga nakuha gikan sa DSWD.

PAHIBALO SA DSWD. Lakip na ang Kapitan madamay kon mapruwebahan nga may mingdawat sa SAP nga dili angay ug gipalusot lamang. (rahc/PIA-7/Bohol)

Segun pa sa DSWD, inig validate ug masayran nga dili gyud siya angay nga modawat, una niyang buhaton, iuli niya ang hinabang nga kwarta nga nadawat.

Apan bisan pa kon nauli na ang kwarta nga gidawat, dugang sa DSWD, wala pa siya makalingkawas sa tulubagon nga criminal.

Naa pa gihapon ang posibilidad nga kasohan sila aron manubag sa ilang sayop nga gibuhat, segun pa ni DSWD Secretary Rolando Bautista didto sa gitelevise nga briefing sa Laging Handa.

Gani, nangusog si Bautista pag-ingon nga dili lang kadtong nga dili kwalipekado ang manubag sa maong nahisgutan nga salaud, madamay usab ang mga barangay officials kay mingtugot sila nga kining hiwi nga binuhatan, magpadayon.

Kahinumduman nga una na nga gisugyot ni Senate President Vicente “Tito” Sotto III nga ang mga pangalan sa mga nakadawat sa SAP, imantala sa website sa DSWD.

Matud pa ni Sen Sotto, ang pagmantala sa mga pangalan magtug-an kon kinsa gayud ang nakadawat na sa hinabang samtang dugang niya, murag nakuwangan siya sa taho ni Presidente Rodrigo Duterte nga segun pa, matud sa DSWD, P80 bilyones na sa P100 bilyones ang napanghatag.

Gikataho na usab nga ang DSWD mingdason sa bout ipahimo sa Department of Interior and Local Government sa mga local nga opisyales nga imantala usab ang mga nakadawat sa SAP diha sa mga pangpubliko nga lugar sa barangay, aron may dayag ug tin-aw nga hulagway sa mga natabangan.

Niini usab, matud sa DILG, mas sayun na nga subayon sa DSWD kon unsa ka daku pa ang ilang kinahanglang apson sa tabang sa usa  ka lugar. (rahc/PIA-7/Bohol)

source https://pia.gov.ph/news/articles/1039720

Facebook Comments Box
Related Posts

Discover more from I Am Athan

Subscribe now to keep reading and get access to the full archive.

Continue reading