I Am Athan

Kakampink

Blogger

Social Media Influencer

Nurse

I Am Athan

Kakampink

Blogger

Social Media Influencer

Nurse

Blog Post

Cebuano News: Paigo pa ang supply sa tubig – ITWD

March 30, 2020 Uncategorized

IPIL, Zamboanga Sibugay, Mar. 26  (PIA) – “Aduna pay igo nga supply sa tubig ang lungsod sa Ipil ug Titay,“ matud pa ni Ipil – Titay Water District General Manager Elena Briz atubang sa mga ginsakpan sa Media.
 
Nagpatawag ning bag-o pa lang ug tigum ang kadumalahan sa ITWD uban sa mga media tungod sa mga mulo sa katawhan nga wala nay agas ang ilang mga gripo.

Mikaylap usab sa social media ang impormasyon nga ang tubig sa ITWD lubog ug daw lasaw nga kape hinungdan nga nagreklamo na gyud ang mga miyembro-kunsumante ug nagduda ang kadaghanan nga wala nay pundong tubig ang ITWD.
 
Si Briz mipasalig nga paigo pa ang supply sa tubig. Apan iyang gipatin-aw nga adunay pipila ka hinungdan nga nakaapektar sa pagpaagas niini.
 
Apil sa pinakadakong hinungdan mao ang kakulang sa hustong kuryente sa mga pumping stations. Panahon nga mag fluctuate o kaha mag brown-out dili na moandar ang mga makina sa pumping stations kay nagsalig kini sa kuryente gikan ZAMSURECO II.
 
Mao usab kini hinungdan nganong lubog ang unang agas sa tubig inig balik sa kuryente. Tungod kay single phase kini, pagbalik niini ug andar ang tanan nga nilugdang nga mga sediments makutaw ug maoy mogawas sa gripo.
 
Apan taliwala sa mga giatubang nga mga problema, ang kadumalahan sa ITWD nangita ug mga pamaagi aron makaserbisyo sa mga kunsumante.
 
Mipasalig ang GM nga kanunay ilang gilantaw ang makatagbaw nga serbisyo nga ilang mahatag ngadto sa mga konsumante (GCC/JPA/PAM – Zamboanga Sibugay)
 

source https://pia.gov.ph/news/articles/1037254

Facebook Comments Box
Related Posts

Discover more from I Am Athan

Subscribe now to keep reading and get access to the full archive.

Continue reading