I Am Athan

Kakampink

Blogger

Social Media Influencer

Nurse

I Am Athan

Kakampink

Blogger

Social Media Influencer

Nurse

Blog Post

Cebuano news: Senator Zubiri naghatag ug 2,000 ka mga ‘test kit’ sa BPMC

April 23, 2020 Uncategorized

MALAYBALAY CITY, Bukidnon, Abril 23 (PIA)—Opisyal nga gidawat sa Bukidnon Provincial Medical Center (BPMC), pinaagi sa chief of hospital nga si  Dr. Sulpicio Henry Legaspi, ang 2,000 ka ‘antibody test kits’ kon ‘COVID-19 test kits’ nga gitunol ni Senator Juan Miguel Zubiri ug ni 3rd district Cong. Manuel Zubiri.

Sa iyang pakigpulong atol sa ‘turnover ceremony,’ miingon ang senador nga mokabat sa P3 million ang kantidad sa mga nasangpit nga COVID-19 testing kit alang sa BPMC.

Naghatag usab ang senador ug test kit sa Misamis Oriental, Surigao del Norte, ug Bangsamoro Autonomous Region sa Muslim Mindanao.

Sa dili pa dugay nagdonar usab siya ug mga testing kits ngadto sa Philippine General Hospital.

“Kung sa Manila lang ta mag-focus, dili nato ma pildi ang sakit nga virus” miingon si Sen. Zubiri.

Ang mga test kit nga gihatag opisyal kini nga gi-endorso ni President Rorigo Duterte segun sa iyang pahayag sa mi-aging semana atol sa gipahigayong press briefing. Kini nga mga ‘kit’ mahimong gamiton bisan walay ‘testing laboratory.’

“Kung dili ta mag hatag ug testing kits sa matag rehiyon, dugay nato makab-ot ang atong mithi nga mawala ang coronavirus tungod kay dako ang posibilidad nga padayon ang pagkatag sa virus bisan paman ang LGU gapatuman ug ‘community quarantine’. Ug dili nato gusto nga mahitabo kini. Kinahanglan atong mapugngan [ang COVID] sa dali nga panahon,” dugang pa niya.

Miingon sya nga “Gihatagan nako ug prayoridad ang area sa Mindanao tungod kay ang Department of Health (DOH) wala pay bisan isa ka testing laboratory. Kini usa sa akong mga kabalaka kay usa ra gyod ka ‘accredited’ nga laboratoryo ang nia sa Mindanao nga nahimutang sa Davao City.”

Dugang sulti sa senador nga sa pagkakaron, kinahanglan nga putlon sa DOH ang ‘bureaucratic red tape’ aron sa ingon matutokan ang pag-atiman kabahin sa rehiyonal nga mga laboratoryo ug ‘testing center.’

Si Senator Zubiri, kinsa mismo na-diagnose nga positibo sa COVID-19 dili pa dugay, ug naka-recover na gikan sa maong sakit, nagpakita ug simpatiya ug pagpakabana alang sa mga healthcare worker.

“Daghang mga nars, doktor, mga trabahante sa ospital ang miduol sa ako, nihangyo kung pwede ba sab unta sila maapilan sa maong test kits tungod kay nameligro ang ilang kaugalingon aron lang gyod matabangan ang katawhan. Nanghinaut ko nga ang pila ka mga test kits nga gipadala namo mahimo igahin alang sa atong mga health workers aron makapadayon sila sa ilang pagserbisyo para sa tibuok katilingban.” (Bernadith G. Epan/ PIA-Bukidnon)

source https://pia.gov.ph/news/articles/1039778

Facebook Comments Box
Related Posts

Discover more from I Am Athan

Subscribe now to keep reading and get access to the full archive.

Continue reading