I Am Athan

Kakampink

Blogger

Social Media Influencer

Nurse

I Am Athan

Kakampink

Blogger

Social Media Influencer

Nurse

Blog Post

Mas pahugtan ang pagsulod-gawas sa mga tawo sa kabarangayan sa Ozamiz

April 23, 2020 Uncategorized

OZAMIZ CITY, Misamis Occidental, Abril 23 (PIA–Usa ka kusganon nga mensahe ang gipaabot ni Mayor Ando Oaminal ngadto sa 51 ka mga Barangay Kapitan sa dakbayan sa Ozamiz kalabot sa pagpatuman sa mga guidelines ug protocols sa general community quarantine sa dakbayan kini atol sa gipahigayon nga meeting sulod sa Ozamiz City Hall, adlawng Biyernes, Abril 17, 2020.

Presente sa maong higayon uban ni Mayor Oaminal si Deputy Speaker of the 18th Congress Henry Oaminal ug ang mga Barangay Leaders nga gipatawag sa Mayor ug sa Congressman.

Matod pa ni Mayor Sancho Fernando Oaminal, nakita niya nga murag nawala na ang essence sa pagpailalom sa dakbayan sa community quarantine gumikan kay nakita niya nga daghan na usab ang mga tawo sa ciudad, nibalik na ang traffic, ug halos dili na masunod ang social distancing nga balik-balik niyang gipahunumdum sa matag katawhan sulod sa dakbayan.

Gibutyag pa niya nga dili unta kini moabot sa ingon niini nga sitwasyon kung sa matag Barangay pa lamang, pugngan na nga mogawas ang mga tawo, kay nakita sa Mayor nga kadaghanan sa migawas ang mga tawo, kay nakita sa Mayor nga kadaghanan sa Migawas galaag lamang, aron lang gayud makagawas sa ilang mga panimalay.

51 ka mga Barangay Kapitan sa dakbayan sa Ozamiz nag meeting sulod sa Ozamiz City Hall kauban si Mayor Ando Oaminal. (Ozamiz Info Office)

Gidugang pa ni Mayor Oaminal, nga zero na ang kaso sa COVID positive nga pasyente sa dakbayan, kay mahinumduman nga ang pasyente nga taga Jimenez naulian na ug nakauli na, ug ang COVID positive nga pasyente sa Tudela, gikubsan sa iyang kinabuhi sa Abril 15, apan wala kini nagpasabot nga mubalik na kita sa normal, dili pa kita angay mag kompyansa gumikan kay sa mga probinsya ug uban nga mga lugar nga nagpalibot sa dakbayan, aduna pay confirmed nga mga virus, ug matod pa sa Mayor nga kung dili kita magpadayon sa pag mentenar sa pag hugot sa pagpasulod sa mga tawo nga dili taga Ozamiz, kining zero case sa COVID-19, dili kini magdugay ug possible nga mao pay maka ingon nga mo kuyanap ang virus sa dakbayan.

Gibutyag usab sa Mayor nga sa samang adlaw, Abril 17, adunay usa ka PUI nga taga Barangay Bacolod sa dakbayan nga gidala sa MHARS Medical Center gumikan kay nagpakita ug simtomas sa virus, 70 anyos, walay travel history o wala naka adto sa lugar nga adunay local transmission sa COVID-19 diin matod pa sa Mayor gi swab test na kini, ug anaa sa critical nga kondisyon. Kay kung mo gawas nga positive ang maong tawo sa COVID-19, nagpasabot lamang nga aduna nay local transmission o dinhi na niya nakuha ang COVID-19 sulod sa dakbayan sa Ozamiz.

Gumikan niini miapela si Mayor Ando Oaminal nga unta mas maghugtanon pa ang tanang mga Barangay Kapitan sa dakbayan ug unta butangan ug ngipon ang mga balaod sa pagpasulod ug gawas sa  ilang matag Barangay kay aduna siyay nadawat nga report nga adunay pipila ka mga Barangay sa dakbayan ang nagpasulod ug mga tawo nga dili taga Ozamiz kay kuno naluoy kini aron Makita ilang pamilya.

Apan wala kini gi komendahan sa Mayor kay kung naluoy ang Kapitan sa usa ka tawo, ngano dili kining maluoy sa libo-libong kinabuhi nga iyang gi risgo.

Ang hangyo sa Mayor nga unta gamay nga sakripisyo lamang, gamay nga pag-antos ang pagahimuon sa katawhan ilabina sa mga lideres sa dakbayan, ka yang gihimo karon sa local nga kagamhanan sa Ozamiz, para kini mapalayo ug mapugngan nato ang COVID-19 sa pagsulod sa dakbayan, nga unta paningkamotan nila uban sa kooperasyon sa katawhan nga ma mentenar nga ang dakbayan sa Ozamiz mahimong COVID-19 free hangtod sa mawala na kining maong virus sa tibuok kalibutan. (Rino Lim/ Ozamiz Info Office)

source https://pia.gov.ph/news/articles/1039728

Facebook Comments Box
Related Posts

Discover more from I Am Athan

Subscribe now to keep reading and get access to the full archive.

Continue reading