PCG namahagi ng improvised face shields sa Divisoria

PASIG CITY, April 10 (PIA) – Bilang tulong-proteksyon sa pangambang dulot ng coronavirus disease (COVID-19), namahagi ang mga kawani ng Philippine Coast Guard (PCG) ng mga improvised o DIY face shields sa mga tindera, basurero at taga linis sa Divisoria sa Maynila.

Ayon sa PCG, malaki rin ang gampanin ng mga nagtitinda sa palengke, nangongolekta ng basura, at naglilinis ng kalsada para mapanatili ang suplay ng pagkain at kalinisan ng kapaligiran sa gitna ng enhanced community quarantine.

Bilang pasasalamat, personal na namahagi ang mga kawani ng coast guard ng mahigit kumulang 200 pirasong face shields sa ating mga kababayan.

Samantala, patuloy ang Philippine Coast Guard sa pagbibigay serbisyo at paghahatid ng tulong sa ating mga kababayan sa gitna ng emergency crisis. (PCG/PIA-NCR)

source https://pia.gov.ph/news/articles/1038570