Seguridad sa MisOcc pahugtan batok COVID-19

TANGUB CITY, Misamis Occidental, April 23 (PIA) – Arun nga masiguro nga mabatonan ang usa ka safety ug secured nga lalawigan, gimando ni Misamis Occidental Governor Philip Tan ngadto sa kapulisan ang hugot nga pagpatuman sa Executive Order nga iyang gipagawas.

Diin sa makanunayon nga gihimo nga COVID-19 monitoring nagtoo kini mas maiiway sa maong virus ang mga misamisnon kun strikto ang pagbantay sa mga utlanan sa probinsya ingon man ang pagka maabtikon sa pagbantay sa matag kabarangayan ilabina sa coastal area.

Tungod niini plano sa gobernador nga himoon nga online o computerize na ang mga processong paga agian diha sa check point arun masuhid kini pag-ayo adunay ibutang nga taga provincial office nga moabag sa mga pulis nga maoy mocheck sailang mga dalang nga documento arun makasulod sa lalawigan.

Saiyang kabahin gibutyag usab ni PLt Col.Marlou Mesias sa Police Provincial Office nga andam na ang kapulisan sa pagpatuman sa maong EO sa probinsya diin iya gipaniguro nga gawas sa strikto nga pagpatuman niini dili gayud mahitabo ang padrino system sa mga pulis nga anaa sa check point.

Kini ang nauyonan sa gihimo nga panagtagbo sa Gobernador ug sa mga pulis nga gipangunahan ni PCol Danildo Tumanda ang PNP Provincial Director sa Misamis Occidental.

Lakip sa mga checkpoint nga paga tutukan sa mga pulis ang lungsod sa Bonifacio boundary sa Mis Occ ug Zamboanga del Sur, Sapang Dalaga boundary sa Zamboanga del Norte ug ingon man ang Ozamis diin anaa diha ang airport ug pantalan.

Ilalom sa maong Executive Order ang paglugway sa General Community Quarantine sa probinsya kutob sa Abril 30, apan bisan pa man niini anaa na ang dyutay nga pagluag sa movement sulod sa probinsya gamit ang mga provincial quarantine passes ug ingon man pagtugot nga makauli sa lalawigan sa mga nastranded nga mga misamisnon. (BETHSER DABLO/TANGUB CITY)

source https://pia.gov.ph/news/articles/1039731